"Zirə" Gürcüstan klubunu darmadağın etdi - Yeniləndi

"Zirə" UEFA Konfrans Liqasının 2026/2027 mövsümündə ilk oyununu keçirib.

Publika.az xəbər verir ki, Rəşad Sadıqovun baş məşqçisi olduğu kollektiv I təsnifat mərhələsində Gürcüstanın "Torpedo" komandasını qəbul edib. Sumqayıt şəhər stadionundakı qarşılaşma Azərbaycan təmsilçisinin qələbəsi ilə yekunlaşıb - 3:0.

32-ci dəqiqədə Ruan Renato hesabı açıb. 48-ci dəqiqədə David Volkov fərqi iki topa çatdırıb. 63-cü dəqiqədə penaltini dəqiq yerinə yetirən Renato dubl müəllifi olub.

Tərəflər arasında cavab görüşü iyulun 16-da Gürcüstanda keçiriləcək.

***

"Zirə" - "Torpedo" oyunu başladı.

***

Bu gün UEFA Konfrans Liqasının 1-ci təsnifat mərhələsində “Zirə” - “Torpedo” (Gürcüstan) klubu ilə qarşılaşacaq.

Publika.az xəbər verir ki, saat 20:00-da başlayacaq görüşə “Zirə” aşağıdakı heyətlə çıxacaq:

Zirə: 13 Aydın Bayramov, 2 Amin Seydiyev, 4 Ruan Renato, 5 Mutsinzi Anje, 7 Eren Aydın, 9 Davit Volkov, 10 George Papunaşvili, 11 Martins Junior, 17 Vieyra, 32 Qismət Aliyev (K), 93 Brahim Konate.

Ehtiyat oyunçular: 72 Hüseynəli, 99 Səlim Həşimov, 6 Hacıağa Hacılı, 8 İsmayıl İbrahimli, 14 Elçin Əlicanov, 22 Ayxan Hüseynov, 20 İssa Cibrilla, 29 Krisdiqbeu, 48 Ramiz Muradov, 57 Yusif Hacıyev, 70 Namik Ələskərov, 77 Yeqor Boqomolski.