Sevimli nömrəsindən niyə imtina edib?

Mövsümlərarası fasilədə kluba qoşulan “Tottenhem”in müdafiəçisi Endryu Robertson, “Tottenhem”in keçmiş oyunçusu Ledli Kinqə hörmət əlaməti olaraq ənənəvi 26 nömrəli formadan imtina etdiyini bildirib.

Kinq 2012-ci ildə bu nömrəni geyinən sonuncu “Tottenhem” oyunçusu olub. Robertson “Tottenhem”də də Şotlandiya millisində geyindiyi eyni nömrəni geyinəcək.

Publika.az xəbər verir ki, Robertson klubun mətbuat xidmətinə verdiyi müsahibədə bildirib:

“Əlbəttə ki, mən “Hall”da 26 nömrəli formanı geyinmişdim, “Liverpul”da olduğu kimi, amma bura gələndə bildim ki, 26 nömrəli formanı əfsanəvi Ledli Kinqdən bəri geyinən olmayıb.

Mən bu mövqeyə hörmətlə yanaşıram. O, inanılmaz oyunçu idi və bu futbol klubu üçün çox yaxşı işlər görüb.

Üç rəqəm mənim üçün çox şey ifadə edir – bu, milli komandadakı nömrəmdir. Şotlandiya millisində üç nömrəni geyinməyimlə bağlı çoxlu xoş xatirələrim var, ona görə də onun boş olduğunu biləndə bir saniyə belə tərəddüd etmədim.

26 rəqəmi mənim üçün çox vacibdir və ömrümün sonuna qədər belə qalacaq, amma üç də eyni dərəcədə vacibdir və ümid edirəm ki, onunla 26 rəqəmi ilə etdiyim qədər çox xatirə yarada bilərəm”.

Publika.az