Yeni müqavilə hazırlanır: "Barselona" Həmzə ilə danışıqlara başladı

“Barselona” mövsümün əvvəlində diqqət çəkən 19 yaşlı misirli hücumçu Həmzə Əbdülkərimlə müqavilənin müddətini uzatmaq üçün danışıqlara başlayıb.

Publika.az xəbər verir ki, “SPORT”un məlumatına görə, klub iki gün əvvəl oyunçunun agenti Kristian Emil ilə klubun məşq meydançasında görüşüb. Tərəflər yeni müqavilənin şərtlərini müzakirə etməyə başlayıblar və danışıqlar uğurla davam edir.

“Barselona”nın əsas məqsədi Əbdülkərimlə müqavilənin müddətini 15 milyon avrodan 150 milyon avroya qaldırmaqdır. Klub skaut proqramının ən böyük uğurlarından biri hesab etdiyi oyunçunu qorumaq istəyir.

Əbdülkərim Misirin “Əl-Əhli” klubundan 1,5 milyon avroya transfer olunub. O, mövsümöncəsi məşqlərdə dörd qol vuraraq “Barselona”nın ən çox qol vuran oyunçusu olub. Klub həmçinin onun iş etikasını və komandadakı irəliləyişini də tərifləyib.

“Barselona” 6 milyon avroluq sərbəst qalma bəndini ödədikdən sonra klubdan ayrılan Pedro Fernandesin vəziyyətinə bənzər bir vəziyyətin yaşanmaması üçün mümkün qədər tez yeni müqavilə barədə razılığa gəlmək istəyir.

Publika.az