İdarəetmədə böhran – Qrospiron istefa verir

2030-cu il Qış Olimpiya və Paralimpiya Oyunlarının təşkilat komitəsinin sədri Edqar Qrospiron idarəetmə problemləri səbəbindən vəzifəsindən istefa vermək niyyətindədir.

Publika.az xəbər verir ki, bu barədə “Reuters” məlumat yayıb.

Bildirilir ki, tərəflər artıq onun gediş şərtlərini müzakirə edirlər. Qrospironun bu gün – 10 sentyabrda vəzifəsindən ayrılacağı gözlənilir. O, 18 ay müddətində baş direktor vəzifəsini icra edib.

Nəşrin məlumatına görə, 57 yaşlı funksionerin rəhbərliyi layihənin idarə olunması ilə bağlı davamlı mübahisələrdən əziyyət çəkirdi. Xüsusilə, builki Olimpiada zamanı Qrospironun işdən çıxarılma ehtimalı müzakirə olunub.

Öz növbəsində, Fransa hökuməti və Fransa Olimpiya və Paralimpiya qurumları BOK-a (Beynəlxalq Olimpiya Komitəsi) Qrosspironun rəhbərliyinə inamlarını itirdiklərini bildirdilər.

57 yaşlı fransızın rəhbərliyi dövründə ortaya çıxan problemlərdən biri qış idman yarışlarının Nitsadan Liona keçirilməsi idi.

Qeyd etmək lazımdır ki, Edqar Qrospiron idmançı karyerası ərzində üç dəfə fristayl üzrə dünya çempionu olub və 1992-ci ildə Fransanın Albertvil şəhərində keçirilən Olimpiya Oyunlarında qızıl medal qazanıb.

Qeyd edək ki, 2030-cu il Qış Olimpiya Oyunları 8 fevralda başlayacaq və 24 fevralda başa çatacaq. Paralimpiya Oyunları 1-10 mart tarixlərində keçiriləcək.

Publika.az