Rus futbolçu “Beşiktaş”a niyə getməyib? - Agenti səbəbini açıqladı

CSKA-nın yarımmüdafiəçisi Matvey Kislyakın hüquqlarını müdafiə edən futbol agenti Aleksandr Manyakov bildirib ki, “Beşiktaş” oyunçunun transferi ilə bağlı danışıqlar aparıb, lakin ordu komandası onu satmaqdan imtina edib.

Publika.az xəbər verir ki, “Match TV” Manyakovdan sitat gətirib:

“Batrakov kimi Kislyak da Türkiyədə ola bilərdi. “Beşiktaş” dəvət etdi, prezident danışıqlar üçün gəldi və çox xoş söhbət etdik. Təklif gəldi. Maliyyə şərtlərini müzakirə edə bilmərəm, çünki müqavilə bağlanmadı.

CSKA şərtlərdən məmnun deyildi. CSKA-nın ofisində görüş oldu. Roman Yuryeviç Babayev, Yevgeni Şevelev, hamı orada idi və danışdıq. Heç bir problem yoxdur, irəliləyirik. Düşünürəm ki, daha çox təklif olacaq”.

Kislyak CSKA-nın gənclər sisteminin yetirməsidir. 21 yaşlı futbolçu bu mövsüm doqquz oyun keçirib və bir məhsuldar ötürmə edib. Kislyakın ordu klubu ilə müqaviləsi 2029-cu ilin yayına qədərdir və “Transfermarkt” onun dəyərini 25 milyon avro olaraq qiymətləndirir.