İdman
Lamin Yamal və Kilian Mbappe Harri Keyni taxtdan salmağa çalışır - 2027-ci il “Qızıl top” reytinqi
Futbol üzrə ən nüfuzlu fərdi mükafatlardan sayılan “Qızıl top” uğrunda 2027-ci il yarışı ilə bağlı ilkin favoritlər müəyyənləşib.
Publika.az xəbər verir ki, GOAL nəşrinin hazırladığı güc reytinqində “Barselona”nın gənc ulduzu Lamin Yamal ilk pillədə qərarlaşıb. “Real Madrid”in hücumçusu Kilian Mbappe ikinci, “Barselona”nın braziliyalı futbolçusu Rafinya isə üçüncü yerdədir.
Reytinqə əsasən, 2026-cı ilin “Qızıl top” mükafatçısı Harri Keyn dördüncü sırada qərarlaşıb. “Bavariya”nın ingiltərəli hücumçusu yeni mövsümdə də yüksək məhsuldarlığı ilə diqqət çəkir. O, titulunu qoruyaraq 2021-ci ildə Lionel Messidən sonra mükafatı ardıcıl iki dəfə qazanan ilk futbolçu olmağa çalışacaq.
İlk beşlikdə Keyndən sonra PSJ-nin hücumçusu Dezire Due yer alıb. Altıncı pillədə “Bavariya”nın futbolçusu Maykl Olise, yeddinci sırada isə PSJ-nin yarımmüdafiəçisi Vitinya qərarlaşıb. Səkkizinci yerdə “Mançester Siti”nin norveçli hücumçusu Erlinq Haaland, doqquzuncu pillədə “Arsenal”ın yarımmüdafiəçisi Deklan Rays, onuncu sırada isə PSJ-nin futbolçusu Usman Dembele göstərilib.
Yamalın liderliyi onun “Barselona”dakı çıxışı və əvvəlki illərdə “Qızıl top” yarışında ilk üçlükdə yer alması ilə əlaqələndirilir. Mbappe isə ötən il ikinci yeri tutduqdan sonra karyerasında ilk dəfə mükafatı qazanmağa iddialıdır. Rafinya da ötənilki namizəd siyahısına daxil edilməməsindən sonra yeni mövsümə məhsuldar başlayaraq diqqət mərkəzinə düşüb.
Reytinqdə PSJ-nin futbolçuları xüsusi yer tutur. Vitinya, Due və Dembele ilə yanaşı, komandanın oyunçuları mövsümün ilk aylarında Avropanın əsas turnirlərindəki çıxışları ilə fərqlənirlər. Bununla belə, qarşıda uzun mövsüm var və yekun nəticəyə həm yerli çempionatlarda, həm də UEFA Çempionlar Liqasında göstəriləcək performans təsir edə bilər.
Qeyd edək ki, bu sıralama GOAL nəşrinin hazırladığı ilkin güc reytinqidir və “Qızıl top”un rəsmi namizədlər siyahısı və ya yekun nəticəsi deyil.
-
Rəsmi xronika15:08Prezident Latviya Prezidentini təbrik etdi
-
Nida Xəbər 14:37ABŞ-da Azərbaycan bayrağı endirilib? - Dövlət Komitəsindən açıqlama
-
Nida Xəbər 14:31Hafiz Məmmədovun ailəsinin əmlakları ilə bağlı yeni qərar
-
Elm və təhsil13:40“Diplom varsa, avtomatik biliklər də var” - Nazir bu yanaşmanı tənqid etdi
-
İdman12:33Məşhur model futbolçunu "ovlamaq" üçün hər yola əl atdı, amma... - FOTO
-
Elm və təhsil12:27Emin Əmrullayevin oğlu deyilmiş? - Uşaq özü HƏQİQƏTİ AÇIQLADI - VİDEO
-
Nida Xəbər 11:33Muxtar Maniyevin oğlu vəzifədən azad edildi
-
Sosial11:18Prezidentin qızı və gəlini konsertdə - FOTOLAR













.png)


.jpg)




















