III Çarlz Ceyms Bondu belə qarşıladı - Kral ailəsindən jest
Bizi izləyin

Dünya

III Çarlz Ceyms Bondu belə qarşıladı - Kral ailəsindən jest

III Çarlz Ceyms Bondu belə qarşıladı - Kral ailəsindən jest

Böyük Britaniya kralı III Çarlz və kral ailəsinin digər üzvləri aktyor Robert Pattinsonun Ceyms Bond roluna seçilməsini ictimai şəkildə dəstəkləyiblər.

Publika.az xəbər verir ki, 40 yaşlı aktyorun məşhur casus obrazını canlandıracağı rəsmən elan edildikdən sonra kral ailəsinin sosial şəbəkə hesablarında təbrik mesajı paylaşılıb. Mesajda məşhur Bond filmlərinin ifadəsinə işarə edilərək yeni agentin Əlahəzrətin Məxfi Xidmətinə xoş gəldiyi bildirilib.

Pattinsonun namizədliyi noyabrın 16-da “Amazon MGM Studios” tərəfindən təsdiqlənib. Növbəti Bond filminin rejissoru “Dune” və “Blade Runner 2049” filmləri ilə tanınan Deni Vilnöv olacaq. Ssenarini isə “Kəskin papaqlar” serialının yaradıcısı Stiven Nayt yazır.

Robert Pattinson yeni rola seçilməsini böyük şərəf və çoxdankı arzusunun gerçəkləşməsi kimi qiymətləndirib.

Qeyd edək ki, Britaniya kral ailəsinin Ceyms Bond franşizası ilə əlaqələri uzun illərə dayanır. 2012-ci ildə Kraliça II Yelizaveta London Olimpiadasının açılışı üçün hazırlanan yumoristik videoda Daniel Kreyqlə birlikdə çəkilib. III Çarlz da 2021-ci ildə “Ölməyə vaxt yoxdur” filminin premyerası da daxil olmaqla, Bond filmləri ilə bağlı tədbirlərdə iştirak edib.

Müəllif: Adəm

Oxumağa davam et
Reklam
Reklam

Gündəm