Şahzadə Uilyam transferlərə də qarışır: Emeri pərdəarxası məqamları açıqladı

“Aston Villa”nın baş məşqçisi Unay Emeri komandanın oyunlarına və məşqlərinə müntəzəm olaraq qatılan şahzadə Uilyamla münasibətlərindən danışıb.

Publika.az xəbər verir ki, ispaniyalı mütəxəssis “Country Life”a verdiyi müsahibədə Britaniya taxtının varisinin klubun işlərinə yaxından maraq göstərdiyini qeyd edib.

“Transfer pəncərəsi zamanı o, hər gün məndən komanda haqqında soruşurdu: “Necəsən? Necəsən? Bu oyunçulardan necə istifadə edəcəyik? Necə oynayacağıq?” O, həmişə bizə çox yaxındır və biz bunu həqiqətən qiymətləndiririk”, – Emeri deyib.

Məşqçi həmçinin şahzadə Uilyamın şəxsi keyfiyyətlərindən danışıb və onun təvazökarlığını vurğulayıb.

“Bizimlə olanda o, möhtəşəm insandır. Birlikdə nahar edərdik, məşqləri izləyərdi, futbolla bağlı hər şey haqqında danışardıq. O, inanılmaz dərəcədə təvazökardır və mən bunu unuda bilmirəm. Bu, mənim üçün inanılmazdır. O, bizim liderimizdir, amma həmişə özünü heç kəsdən üstün tutmamağa çalışır və burada etdiyimiz hər şeyə son dərəcə hörmətlə yanaşır”.

Publika.az