İKT

Baş nazirin Tvitter hesabı sındırıldı

3 Sentyabr 2020 12:18

Hindistanın Baş naziri Narendra Modinin şəxsi Tvitter hesabı heklənib.

Publika.az xəbər verir ki, bu barədə BBC məlumat yayıb.

Xəbərə görə, Modinin 2,5 milyon izləyicisi olan hesabından milli yardım fondu üçün kriptovalyuta ianəsi ilə bağlı bir neçə paylaşım edilib. Vəziyyətin aşkarlanmasından sonra ələ keçirilən hesabdakı paylaşımlar qısa müddətdə silinib.

Şirkətdən verilən açıqlamada hesabın təhlükəsizliyi üçün tədbirlər görüldüyü və durumun araşdırıldığı bildirilib.

Modinin 62 milyon izləyicisi olan digər bir hesabı isə zərər görməyib.

Qeyd edək ki, ABŞ-ın sabiq prezidenti Barak Obama, Demokratlar Partiyasının prezidentliyə namizədi Co Bayden, “Amazon”un sahibi Ceff Bezos, “Microsoft”un qurucusu Bill Qeyts, “Tesla” rəhbəri Elon Mask, milyarder Maykl Blumberq, repçi Kanye Vest kimi məşhurların Tvitter hesabları 15 iyulda heklənmişdi. Həmin hesablardan da bənzər çağırışlar edilmişdi.

Zümrüd