Telefon batareyaları haqqında GERÇƏKLƏR

Bir çox smartfon sahibləri hesab edirlər ki, telefonun akkumulyatoru sıfıra çatdıqdan sonra şarj edilərsə, “faydalı” olur. Onlar əmindirlər ki, hər dəfə şarj səviyyəsini 10% artırsanız, batareya tez xarab olacaq. Lakin köhnəlmiş bu qayda müasir cihazlara şamil edilmir.

Publika.az xəbər verir ki, bu sözləri “Content-review.com” agentliyinin rəhbəri Sergey Polovnikov “Sputnik” radiosuna müsahibəsində deyib. Onun sözlərinə görə, smartfonun akkumulyatorunun az-az dolması cihazın deqradasiyasına səbəb olmur:

“Elektronika ilə bağlı demək olar ki, bütün miflər bizə keçmişdən gəlir. Uzaq keçmişdə batareya texnologiyası və enerji istehlakı texnologiyaları bir qədər fərqli idi. O zaman cihazın batareyasını boşaldıb tam doldurmaq məntiqli görünə bilərdi. Bu gün bu cür tövsiyələr mənasızdır.

Müasir smartfon akkumulyatorları da tədricən köhnəlir və tutumunu itirir, lakin bu, başqa səbəblərdən baş verir. Batareyanın doldurulma səviyyəsini izləməkdənsə smartfonun və ya digər cihazın batareyasını vaxtında dəyişdirmək daha yaxşıdır. Əgər batareyanı vaxtında dəyişdirsəniz, bu, əsəblərinizi də qorumağa kömək edəcək. Batareyanın deqradasiyasını başa düşmək lazımdır. Batareyanın deqradasiyası qacetlərlə əlaqəlidir, cihazı neçə faizdən doldurmağa başladığınızla bağlı deyil”.

Ekspert xatırladıb ki, standart müasir akkumulyator 2 il işləmək üçün nəzərdə tutulub. Sonra o, qabiliyyətini itirməyə başlaya bilər.

Aytən Məftun