Magazin1

Şamaxılı Stas Mixaylova armudu stəkan hədiyyəsi - FOTOLAR

1 Oktyabr 2015 13:45

Bu gün məşhur rusiyalı müğənni Stas Mixaylovun Bakıda konserti keçiriləcək. “Ya budu s toboy” adlı solo konsert Heydər Əliyev sarayında baş tutacaq.

Publika.az xəbər verir ki, Rusiyanın əməkdar artisti dünəndən Bakıdadır. Müğənni paytaxta tək deyil, həyat yoldaşı İnna Mixaylova ilə birlikdə gəlib. Müğənninin xanımı sosial şəbəkədə Bakıda çəkdiyi bir sıra maraqlı fotoşəkillər paylaşıb. Şəkillərdən məlum olub ki, qonaqpərvərliyimiz burada da özünü göstərib. Belə ki, öz statusunda “Onu burada gözləyiblər!” sözlərini yazan İnna üzərində “Stas Mixaylov” yazısı olan armudu stəkanın şəklini paylaşıb.

Xatırladaq ki, müğənni ötən ilin may ayında da Heydər Əliyev sarayında anşlaqla keçən konsert prqramı ilə çıxış edib.

Qeyd edək ki, müğənninin atası Şamaxıda anadan olub, daha sonra Soçiyə köçüb.

İsa Şükürov