15 yaşında qızını evləndirən müğənnidən ŞOK ETİRAFLAR: “Qızım özünü...” - VİDEO

ARB TV-nin “Sirdaş Rövşanə” proqramının növbəti qonağı müğənni Zeynəb Dostəliyeva olub.

Publika.az xəbər verir ki, o, proqramda qızlarının evliliklərindən danışıb. Həmçinin 1 qızının yoldaşının ağır xəstə olduğunu söyləyib:

“Nəvələrimin yolunda canımı da qoyaram. Qızımın yoldaşı ağır xəstəlik tapıb. Mədə xərçəngidir. İndi durum qızımı boşatdırım ki, sən yaramırsan, pul gətirmirsən? Övlada ata lazımdır. Qızım özünü ora-bura vurur. Uşağa deyə bilmərik ki, sənin atan pul qazanmır, istədiklərini ala bilmir. Çünki atasının vaxtında olub, gətirib, amma indi xəstədir. Digər qızımın da ailəsində söz-söhbətlər var. Özümüz verdik. Qoymadıq ki, uşaqlar oxusunlar. Qızlarımı verəndə birinin 15, digərinin də 16 yaşı var idi”.

Xatırladaq ki, müğənni ARB TV-nin “Boş anlar” proqramının qonağı olanda qızların tez ailə qurmasına yaxşı baxmadığını etiraf etmişdi: “O dövrdə qızları tez ərər verirdilər. Bakı kəndlərində də belə ədət var. Bütün validyenlərə məsləhət görürəm ki, tələsməsinlər. İnsan özünü tanımalıdır ki, nə istədiyini anlasın, məsuliyyəti dərk edə və öhdəsindən gələ bilsin. Ən əsası ailə quranda düzgün seçim etsin ”.