Magazin1

"Vəsiyyət etdi, Nazpərinin əlini öpdü və..." - Xalq artistinin bacısı

23 Mart 2021 14:11

Müğənni Zeynəb Dostəliyeva bacısı, Xalq artisti Nazpəri Dostəliyevanın 41 yaşında ürək çatışmazlığından dünyasını dəyişən oğlu Əli Quliyevdən danışıb.

Publika.az xəbər verir ki, Zeynəb Dostəliyeva Teleqraf com-a açıqlamasında bu sözləri deyib:

"Hamımız bir yerdə oturmuşduq. Bayram aşı dəmləmişdik, hər şey yaxşı idi. Qəflətən dedi ki, ürəyim döyünür. Deyirdi, səhhətimdə heç nə yoxdur, amma ürəyi tez-tez döyünürdü. Hələ zarafat da edirdi ki, ürək tez-tez döyünər. Bir də gördük ki, Əli yatıb. Dedik, Əli oyan, sanki quş olub uçdu. Bizimlə danışdı, mətbəxə getdik, gəldik ki, yatıb. Bu, bizə çox pis təsir etdi. Anasından ötrü canını verərdi. Nazpərini o qədər çox sevirdi. Həmişə ona deyərdi ki, ana, başımın tacısan. Vəsiyyət etdi, Nazpərinin əlini öpdü və halallıq istədi. Heç bir ana övlad dərdi görməsin".