Şahzadə Luinin gülməli FOTOLARI

Londonda Böyük Britaniya kraliçası II Yelizavetanın taxta çıxmasının platin yubileyi şərəfinə keçirilən təntənəli paradda nəticəsi Lui gülməli hərəkətləri ilə fotoqrafların diqqətini çəkib.

Publika.az xəbər verir ki, şahzadə Lui fotoları ilə sosial şəbəkələrin əsas personajına çevrilib - 4 yaşlı uşaq tədbirdə sıxıldığını gizlətməyib.

Aydındır ki, Keyt Middlton və şahzadə Uilyamın kiçik oğlu üçün belə uzun bir paradda iştirak etmək ciddi sınaqdır. Şahidlər iddia edirlər ki, balaca şahzadənin narazılığı vaqonda şahzadə Şarlottanın ondan camaata əl yelləməyi dayandırmasını xahiş edəndə başlayıb.

Artıq eyvanda Şahzadə Lui emosiyalarını gizlətməyib: vaxtaşırı əsnəyir, gözlərini ovuşdurur, bilərəkdən əlləri ilə qulaqlarını bağlayır və işarə edirdi ki, evə getmək vaxtıdır.

Paytaxtın mərkəzində keçirilən paradı milyonlarla britaniyalı ilə yanaşı, monarx ailəsinin üzvləri, o cümlədən şahzadə Çarlzın böyük oğlu, Kembric hersoqu Uilyam, onun həyat yoldaşı Kornuoll hersoginyası Kamilla və bacısı şahzadə Anna, şahzadə Uilyamın həyat yoldaşı Kembric hersoginyası Ketrin, Ülyahəzrətin kiçik oğlu Uesseks qrafı Edvard və həyat yoldaşı Sofi, həmçinin Qloster hersoqu Riçard və həyat yoldaşı Birgitta da izləyib. Bundan başqa, II Yelizavetanın nəvəsi şahzadə Harri xanımı Meqan Markl ilə birlikdə tədbiri izləmək üçün ABŞ-dan Londona gəlib.