Magazin1

Hande dilə gəldi: “Bu, hörmətsizlikdir” - FOTO

8 İyun 2022 16:58

“Vogue Turkey”nin yeni sayının qonağı olan aktrisa Hande Erçel sənətdə qarşılaşdığı problemlərdən söz açıb.

Publika.az xəbər verir ki, aktrisa bu barədə xeyli şikayətləri olduğunu etiraf edib.

“Xüsusilə kino sənayesində qadın aktrisa olmağın çətinlikləri haqqında deyəcəyim çox şey var. Bu sahədə gördüyünüz işdən çox fiziki görünüşünüzə üstünlük verilir. Geyiminiz, çəkiniz, gözəlliklə bağlı sirləriniz kimi mövzulardan daha çox danışılır, nəinki işinizdən. Sektorda bu məsələlərlə bağlı maarifləndirmə artsa da, çatışmayan məqamlar az deyil. İndi hər kəs üzərinə düşəni etməlidir. Qadınların yalnız fiziki parametrlərinə görə önə çəkilməsinə, yaxud tənqid edilməsinə üstünlük verilməməli, hər kəs öz istedadı, səyi və arzuları ilə ön plana çıxmalıdır” , - aktrisa qeyd edib.

Aktrisa peşəsinin mənfi tərəflərini belə izah edib: “Hər kəs çəkinmədən, icazə almadan rahatlıqla sənin şəklini çəkib sosial şəbəkədə paylaşa bilər. Bu, mənə hörmətsizlik kimi görünür”.