İvan Urqantı Basta əvəzləyəcək

“Urqantlı Axşam” (Вечерний Ургант) şousunun yeni aparıcısı məşhur reper Basta ola bilər.

Publika.az Rusiya mətbuatına istinadən xəbər verir ki, artist bu barədə yutubda yayımlanan “MC TAXI” şousunun son buraxılışında danışıb.

“ “Urqantlı Axşam” şousunun aparıcısı rolunu sınayıram, hər şeyin necə getdiyini zamanla görəcəyik” , - musiqiçi bildirib.

Onun zarafat edib-etmədiyi hələ aydın deyil, təfərrüatları açıqlamayıb.

Məlumat üçün bildirək ki, “Urqantlı Axşam” şousu fevralın sonundan bəri heç efirə getməyib. Birinci kanalın mətbuat xidmətinin rəsmi versiyasına görə, veriliş ictimai-siyasi duruma görə yayımlanmır. Lakin o da iddia olunur ki, verilişin bağlanmasının əsas səbəbi Urqantın Rusiyanın Ukraynaya hücumunu dəstəkləməməsi və bu barədə verilişdə danışması olub. Sosial şəbəkələrdə onun Rusiyada daşınmaz əmlaklarını satdığı, hətta xaricdə konsertlər verməyə hazırlaşdığı barədə şayiələr yayılıb. Şoumenin özü isə bütün bunları təkzib edib.

“Əminəm ki, düşüncəli və diqqətli insanlar buna inanmırlar, çünki bu, cəfəngiyyatdır”, - teleaparıcı teleqram kanalında bildirib.

Rusiya Federasiyasının Ukraynada hərbi xüsusi əməliyyatı başlayandan sonra bir çox sənətkar, o cümlədən, Maksim Qalkin Rusiyanı tərk edib. “Bu gecə” şousunda onu proqramın yeni aparıcısı Nikolay Tsiskaridze əvəz edir.