Cavidan Novruzdan Xalq artistinə KƏSKİN sözlər

Vallah “Komedixana” nə qədər bu sənətdə olan adamların “gözünə girir”? Fikir verirəm ki, cavanlıqda uğur qazana bilməyənlər indi bizə söz atır. İndi də “Tomka maçi” sözləri ilə məşhurlaşan sənətkar nəsə deyir.

Publika.az xəbər verir ki, bu sözləri aktyor Cavidan Novruz instaqramda yazıb. O, Xalq artisti Naibə Allahverdiyevanın sözügedən şounu tənqid etməsinə biganə qalmayıb. Aktyor bildirib ki, bir çoxları sözügedən ekran işini qısqanır:

“Eybi yox, onun nəsə deməsi elə də təsir etmədi, amma bunu da deyim: Çox ucuzsunuz, çox! Sizə elə məqam lazım imiş. Heç cürə yaşınızla, uğursuzluğunuzla barışa bilmədiniz. Müdrikləşə bilmədiniz. Çox təəssüf. Bunları ümumi dedim”.

Qeyd edək ki, N. Allahverdiyeva saytların birinə verdiyi müsahibəsində indiki komedi verilişləri ilə bağlı “Məni televiziyalara dəvət etsələr də, getmirəm. Çünki bəzi insanlarla bir efirdə olmaq istəmirəm. Onların tamaşaçılara xeyri nədir ki? Gəncliyə faydası olan, onları düşündürən heç nə yoxdur. Əvvəllər hər şey fərqli idi”, - o bildirib