Xalq artisti etiraf etdi: O mahnıları... - VİDEO

Xalq artisti Nazpəri Dostəliyeva 2020-ci ilin martında ürək tutmasından vəfat edən oğlu Əli haqqında "Sən gedəndən" adlı mahnı oxuyub və ona klip çəkdirib.

Publika.az xəbər verir ki, mahnının sözləri Füzuli Fəzli, musiqisi isə Ruslan Səfəroğluna aiddir. Müğənninin yutub kanalında təqdim olunan klip rejissorluğunu Razin Əliyev edib. Bu gün ATV-də yayımlanan "Günün sədası" verilişinə qonaq olan ulduz yeni mahnını barədə danışıb və bildirib ki, bu ifa onun iç bağırtılarıdır:

"Dəniz kənarında çox olmuşam. İstəmişəm ki, dəniz, onun ruhu, bir də mən təklikdə qalaq, bu şeylər çox olub. Bundan əvvəl Tunar bir mahnı yazmışdı. Onu heç oxuya bilmirdim, hələ təzə vaxtlar idi, özümü toparlaya bilmirdim. Yenə də Tunar məni oxutdurdu. Burda isə Ruslan mənə ruh və ürək-dirək verdi. Özü məndən betər kövrəldi. Bu, ürəyimin, qəlbimin acısı və səsi idi. Artıq belə mahnılar oxumayacağam. Artıq kədərdən, göz yaşından uzaq olacağam. Çünki sizin kimi sevənlərim, gözəl xalqım var. Ona görə də ayaqda qalacağam".