Magazin1

Cabir İmanov haqqında yazanlar allahsızdırlar - Çingiz Abdullayev

16 Oktyabr 2025 16:00

Xalq yazıçısı Çingiz Abdullayev mərhum Əməkdar artist Cabir İmanovla bağlı danışıb.

Publika.az xəbər verir ki, bu barədə o, iş xanımı Ruhiyyə Əliyevanın "Rekord TV"də yayımlanan “Qaranlıqda həqiqət” layihəsində deyib. Ç.Abdullayev mərhum aktyorla bağlı mənfi rəy yazan şəxslərə irad bildirib:

“Cabirlə münasibətimiz çox gözəl idi. Hər zaman o uşaqları dəstəkləmişəm. Bəzi adamlar başa düşmürlər ki, bu insan dünyadan köçüb, amma ata-anası sağdır, 4 övladı, qardaşı var. Bir az insafınız olsun. Onun haqqında yazan insanlar allahsızdırlar. Bəlkə də sağlığında nə isə xoşuna gəlməyib, lakin insan vəfat edib. İnsafın olsun, bunu yazma. Bir az döz, özünü sıx. Öz çirkabını mütləq çıxarmalısan ki, hamı oxusun? Allah Cabirə rəhmət eləsin. Cavan yaşında vəfat etməyi çox insana təsir etdi".

Qeyd edək ki, Cabir İmanov paytaxtın Səbail rayonu, Üzeyir Hacıbəyli küçəsində yerləşən idman zalında infarkt keçirərək dünyasını dəyişib.(axşam.az)