Məşhur xəbər aparıcısı bu sözlərindən sonra istefa verdi – VİDEO

"Show" telekanalının aparıcısı Dilarə Göndər istefa verib.

Publika.az xəbər verir ki, bu barədə aparıcı tviter hesabında bildirib.

"Yazmaq çətin imiş, istefa etdim. Həmkarlarıma və mənə bu fürsəti verən Ciner Media Qrupuna təşəkkür edirəm".

Aparıcı etdiyi ikinci paylaşımda “Dəstəyinizə görə çox sağ olun. Gündəmi zəbt etmək istəmirəm, çətin günlərdən keçirik. Çox üzüldük... Bir gün hər şey yaxşı olacaq, inanıram” qeyd edib.

Qeyd edək ki, Türkiyə mediası Dilarə Göndərin hisslərinə hakim ola bilməməsi və proqramda qonaqlara qarşı emosional reaksiyası səbəbindən istefa etdiyini yazıb.

Xatırladaq ki, geologiya mühəndisi Ziyadin Çakırı qonaq olaraq qəbul etdiyi canlı yayımda Dilarə Göndərin reaksiyası sosial mediada gündəm olmuşdu. Çakırın şərhi üzərinə “Belə bir dərs varmı? Belə ölümcül bir dərs olarmı? 99-da o dərs üçün kifayət qədər ölüm olmadımı? Bu bizə dərs olmalıdmı? Biz həmişə imtahandayıq. Amma onları keçə bilmirik. İmtahan vərəqi həmişə boşdur. Budur, ekranda imtahan vərəqi. Maraşı görək. Bu imtahan vərəqidir. Qoy izləyicilərimiz bunu bir daha görsünlər”, - deyə o bildirib.

Göndər isə Çakırın “Təəssüf ki, millət olaraq balıq yaddaşına sahibik” deməsinə belə reaksiya verib: “Yaxşı, balıq belə dənizin altında daha təhlükəsizdir. Böyük balıqlar kiçik balıqlarla qidalanır, lakin kiçik balıqlar belə bu mənzillərdə yaşayanlardan daha təhlükəsizdir”.