Magazin2

Türkiyəli məşhur menecer hakim qarşısına çıxarılır

27 Yanvar 2025 16:10

“Türkiyə Cümhuriyyəti hökumətini devirməyə cəhd və öz vəzifələrini yerinə yetirməsinə mane olmaq” ittihamı ilə saxlanılan məşhur menecer Ayşe Barım məhkəməyə gətirilib.

Publika.az xəbər verir ki, barəsində açılan istintaq çərçivəsində Ayşe Barımın bu əməliyyatı planlaşdıranlardan biri olduğu əsas götürülüb.

Onun Taksimdəki “Gəzi Parkı” hadisələri ilə bağlə nümayişlərə qatıldığına dair mətbuatda məlumatlar yer alıb. İddialarla bağlı İstanbul prokurorluğunda istintaq aparılıb. Tibbi yoxlamadan keçən Ayşe Barım Çağlayandakı İstanbul Ədliyyəsinə təhvil verilib.

Qeyd edək ki, A.Barım "Gəzi Parkı" hadisələrinin digər təşkilatçıları olan Osman Kavala, Çiğdem Utku Mater və Mehmet Ali Alabora ilə sıx əlaqədə olub. O, 2013-cü ildə - sözügedən hadisələr başlayan zaman insanları küçələrə çıxmağa təşviq edib. Həmçinin Ayşe Barım həmtəsisçisi olduğu "D İletişim" şirkəti vasitəsilə bir sıra məşhurları hadisələrdə iştirak etməyə yönləndirib.

Aysel Şahmar