Maraq dünyası

Hitlerin evi görün, nə kimi fəaliyyət göstərəcək - QƏRAR VERİLDİ - FOTO

21 Noyabr 2019 08:00

Nasist lideri Adolf Hitlerin doğulduğu - Almaniya sərhədinə yaxın qəsəbə olan Braunauda yerləşən ev polis bölməsi olacaq.

Publika.az xəbər verir ki, bu barədə Avstriya Daxili İşlər naziri Volfqanq Peşor danışıb.

Nazir bildirib ki, avstriyalı səlahiyyətli şəxslər illərlə davam edən müzakirələrdən sonra bu qərara gəlib. Binanın Nasional Sosializmin xatirəsini əsla oyandırmayacağına dair dəqiq bir siqnal verməli olduğunu qeyd edən Peşor, bu ay ərzində yeni dizayn üçün memarların dəvət ediləcəyini, yarışma vasitəsilə ən uyğun dizaynın seçiləcəyini ifadə edib.

Qeyd edək ki, Hitler bu binada qısa müddət yaşayıb. Onun dünyadakı tərəfdarları dəfələrlə burada bir araya gəlib. Onlar hər il Hitlerin ad günündə binanın qarşısına toplaşaraq mitinq təşkil ediblər.

Məhərrəm Əliyev