Ən çox içən millətlər: bu ölkə liderdir - ARAŞDIRMA

Avstraliyalılar dünyada ən çox spirtli içki içən millət kimi qeydə alınıb.

Publika.az "RIA Novosti"yə istinadla xəbər verir ki, bu barədə narkotik və spirtli içkilərlə bağlı aparılan qlobal araşdırmanın nəticələrində bildirilir.

Hesabatda məlum olub ki, Avstraliya vətəndaşları əcnəbi vətəndaşlara nisbətən daha çox sərxoş olurlar - ildə orta hesabla 27 dəfə. Bu, dünya üzrə orta göstəricidən demək olar ki, iki dəfə çocdur (15 dəfə). Danimarka və Finlandiya da bu parametrdə ilk üçlük sırasındadır . Tədqiq olunan bütün ölkələrdə kişilər qadınlardan daha çox içirlər. Ən böyük fərqlər italyanlar, belçikalılar və isveçrəlilər arasındadır.

Bundan əlavə, avstraliyalılar orta hesabla həftədə iki dəfə və ya ildə 106 gün spirtli içki qəbul edirlər. Bu göstəriciyə görə fransızlar liderlik edir - ildə 132 dəfə. İkinci və üçüncü yerlərdə müvafiq olaraq Yeni Zelandiya və Hollandiya qərarlaşıb.

Çox vaxt irlandlar, polyaklar və yeni zelandiyalılar içkiyə görə peşman olurlar - təxminən 28% hallarda. Siyahının digər tərəfində danimarkalılar, avstriyalılar və finlər var. Çox tez spirtli içki qəbul etmək peşmançılığın ən çox yayılmış səbəblərindən biridir. Polşa və İtaliya istisna olmaqla, demək olar ki, bütün ölkələrdə qadınlar kişilərdən daha çox içki içdiklərinə görə peşman olurlar.

Hüseyn