NASA yeni həyatın izinə düşdü - TAPINTI

NASA 100 milyon kilometr uzaqlıqdakı Bennu asteroidindən Yerə göndərilən nümunələrin ilk tapıntılarını bölüşüb. Bildirilib ki, 4,5 milyard illik asteroid karbonla zəngindir və tərkibində su var.

Publika.az xəbər verir ki, üç il əvvəl Bennu asteroidinin səthindən nümunələr toplayan NASA-nın Osiris-Rex kosmik gəmisi keçən ay nümunələri möhürlənmiş kapsulda Yerə göndərmişdi. Nümunələr sentyabrın 24-də Yerə çatıb.

NASA administratoru Bill Nelson "Osiris-Rex tərəfindən qaytarılan nümunə Yerə qayıdan ən böyük karbonla zəngin asteroid nümunəsidir və elm adamlarına gələcək nəsillər üçün öz planetimizdə həyatın mənşəyini araşdırmaqda kömək edəcək", - deyə açıqlayıb.

Bill Nelson “NASA-da etdiyimiz demək olar ki, hər şey kim olduğumuz və haradan gəldiyimizlə bağlı suallara cavab vermək məqsədi daşıyır. "Osiris-Rex kimi NASA missiyaları Yeri təhdid edə biləcək asteroidlər haqqında anlayışımızı yaxşılaşdıracaq" ifadələrini işlədib.

NASA prezidenti karbonun asteroid nümunəsinin ümumi çəkisinin demək olar ki, 5 faizini təşkil etdiyini, həm üzvi, həm də mineral formada olduğunu, suyun isə gil minerallarının kristal quruluşunda olduğunu bildirib.

Nəzrin