Həyatda uğur qazanmağın YOLLARI - 12 SİRR

Özünə hörmət etməyi öyrəndiyiniz zaman həyatınız da dəyişməyə başlayır.

Publika.az xarici mətbuata istinadən xəbər verir ki, psixoloqlar özünə hörmət edən insanların həyatda daha çox uğur qazandığını sübut edib. Bəs özünə hörmət hissinin yüksək olması insanın həyatında nələri dəyişir? Və ümumiyyətlə, özünə hörmət hissi nə deməkdir?

1. Hamı ilə münasibətləriniz yaxşılaşır

Özünüzə qayğı göstərməyə başladığınız andan etibarən fiziki, emosional, zehni baxımdan həyatınıza mənfi duyğu və hisslər göndərən insanlarla ünsiyyəti kəsirsiniz.

2. Özünüzü sevməyə başlayırsınız

Həyatınızdakı boşluğu doldurmaq üçün məhəbbət axtarışına çıxmağı dayandırır, bunun əvəzinə özünüzü sevməyi öyrənir və həyata minnətdar olursunuz.

3. “Toksin” insanlardan uzaq olursunuz

Təsadüfi asıllıq həyatınızı məhv edir. Sevdiyiniz və qayğı göstərdiyiniz şəxs sizi irəliyə doğru itələmir. Ona mümkün olan hər yardımı edirsiniz, ancaq o, sizə qarşılıq vermir. Belə münasibətlər emosional həqarətdir. Bəzən çox çətin olsa da, müəyyən insanları həyatınızdan çıxartmaq ən yaxşı qərardır.

4. Siz daha xoşbəxt olursunuz

Həyatınızda dramlar azalır, çünki xoşbəxtliyinizə mane olan mənfi vəziyyətlərdən uzaqlaşmağı seçirsiniz.

5. Münasibətləriniz yaxşılaşır

Sizinlə həmfikir insanlarla münasibət qurmaq rahatlıq gətirir, siz daha məqsədyönlü və daha iddialı olursunuz.

6. Ağıllı və işıqlı insanların diqqətini çəkirsiniz

Əvvəllər qayğınıza qalan hər kəsə diqqətli ola bilərsiniz, amma indi vaxtın dəyərini daha yaxşı anlayır və onu hər kəsə xərcləmək istəmirsiniz.

7. Hədəfləriniz uğrunda daha inamla mübarizə aparırsınız

Özünüzə inanmağa başlayanda, başqalarının şübhə və neqativləri sizi narahat etmir. Onlar mənfi və xoşagəlməyən sözlər deyə bilər, amma siz buna əhəmiyyət verməməyi öyrənir və imkan vermirsiniz ki, şəxsi mövqeyini sizə sırısınlar. Özünüzə güvənir və geriyə addım atmırsınız.

8. Daha inamlı olursunuz

Özünəgüvən həyatınızın hər nöqtəsinə yayılır. Güzgüdə özünüzə baxır və qüsurlarınızı görmürsünüz, əvəzində daxiliniz səsiniz sizə pıçıldayır ki, özünüzlə öyünmək lazımdır.

9. İzahat vermək ehtiyacı duymursunuz

Sizi xoşbəxt edən bir seçim etmisinizsə, bu barədə kiməsə izahat vermək məcburiyyətində deyilsiniz.

10. Yersiz yerə üzr istəmirsiniz

Etdiyiniz seçimdən və düşüncələrdən əminsinizsə, bunun üçün kimdənsə üzr istəməyə ehtiyac yoxdur. Əlbəttə ki, səhvləriniz üçün üzr istəmək lazımdır, lakin xırda məsələlərdən ötrü üzr istəməyə son verin.

11. Gözləmirsiniz

Daha yalan və bəhanələrə inanmırsınız. Sizə yalan danışan hər kəsi həyatınızdan kənarlaşdırırsınız.

12. Yersiz qısqanclıq nümayiş etdirmirsiniz

Ola bilsin ki, əvvəllər özünüzü başqaları ilə müqayisə etmisiniz. Lakin indi bilirsiniz ki, rəqabət aparmalı olduğunuz tək adam aynada sizə baxan insandır.

Aytən Məftun