İnanc

Həcc ziyarəti ilə bağlı QƏRAR VERİLDİ

29 İyul 2020 08:56

Səudiyyə Ərəbistanı pandemiya ilə əlaqədar Həcc ziyarətinə gələnlərin sayını məhdudlaşdırıb.

Publika.az “Mir 24”ə istinadla xəbər verir ki, krallıq ölkədə geniş yayılmış koronavirusla bağlı sərt sanitar-epidemioloji qaydalar tətbiq etməyə başlayıb.

Məlumata görə, ziyarətçilər öncə karantindən keçməli, mütəmadi maska taxmalı və məsafə gözləməlidir. Bundan başqa, ölkə rəhbərliyi ziyarətçilərin sayına məhdudiyyət qoyaraq onların sayını 2,5 milyondan min nəfərədək azaldıb.

Bildirilib ki, seçilmiş 1 000 nəfərin 700-ü ölkədə müvəqqədi yaşayan sakinlərdir.

Qeyd olunub ki, Səudiyyə Ərəbistanı pandemiyaya görə artıq 30 milyard ABŞ dollarından məhrum olub. Bu, Həcc ziyarətçilərinin hər il xərclədiyi məbləğdir. Bununla belə, Həcc ziyarəti üçün ilkin ödəniş edənlər pulunu geri götürməyə tələsməyib. Onların bir qismi növbəti il ziyarət etməyə ümid edir, digərləri isə bu məbləği koronavirusla mübarizəyə ianə edib.