Məşhur keşiş: "Əgər arvad ərini qapıda əlində tava qarşılayırsa..."

Məşhur Moskva keşişi və bloger Nikolay Babkin "YouTube" kanalında əsl sevgi ilə asıllıq arasındakı fərqi izah edib.

Publika.az Rusiya mətbuatına istinadən xəbər verir ki, keşişin sözlərinə görə, əsl məhəbbət insanı sevindirir, asılılıq isə əzab verir.

“Problem ondadır ki, insan sadəcə olaraq bir-birindən asılı münasibətdə olduğunu bilmir. Məsələn, sərxoş ər evə gələndə onun xanımını döyən bir kişi olduğunu düşünə bilərsiniz. Ancaq arvadı onu əlində tava qarşılayırsa, bu zaman qadın zorakılığa əl atır, kişi isə məzlum, bədbəxt bir qurbana çevrilir və zorakılıq edənin hər dediyini səbirlə dinləyir. Səhər ər nikahı xilas etmək üçün gül çələnginin arxasınca qaçır, bundan sonra arvad onu lütfkarlıqla bağışlayır. Sonra bu vəziyyət dönə-dönə təkrarlana bilər”, - keşiş bildirib.

Babkin əlavə edib ki, insanlar illərlə belə yaşaya bilərlər, baxmayaraq ki, bu tip münasibətlərdə heç bir sevgidən söhbət gedə bilməz, burda bir-birindən birbaşa asılılıq var. Onlar fərqli və ayrı yaşamağı bacarmırlar və ya istəmirlər. Ancaq müəyyən vaxtdan sonra onlardan biri qurban, tiran və ya xilasedici rolunu oynamaqdan yorulur.

“Əgər insan konkret məqsədinə çatmaq üçün birini axtarırsa, bu, artıq sevgi deyil” , - Babkin qeyd edib.

Aytən Məftun