Erməni cinayətkarın gizləndiyi ölkə bilindi

Cari ilin 1 yanvar tarixində Yeni il gecəsi Qazaxıstan Respublikasının Karaqanda şəhərindəki ermənilərə məxsus olan “Drevniy Rim” restoranında qətldə şübhəli bilinən erməni Qazaxıstanı tərk edib.

Publika.az “bnews.kz” saytına istinadən xəbər verir ki, bu haqda brifinqdə Qazaxıstan daxili işlər nazirinin birinci müavini Janat Suleymenov bildirib.

Hadisəyə görə hazırda 8 nəfər saxlanılıb. Şübhəli Narek Qururyan haqqında isə axtarış elan edilib. Nazir müavininin sözlərinə görə, o, Pavlodar vilayəti vasitəsilə Qazaxıstan-Rusiya sərhədini keçib.

“O, yanvarın 1-də axşam saat 10-dan sonra Pavlodar vilayətindəki Urlyutobe postu vasitəsilə Rusiya ərazisinə keçib. Bizim tərəfimizdən tədbir görülərək Rusiya və Ermənistana operativ-istintaq qrupları göndərilib”, - Janat Suleymenov deyib.

Xatırladaq ki, 2018-cu il dekabrın 31-dən yanvarın 1-ə keçən gecə Qazaxıstanın Karaqanda şəhərində “Drevniy Rim” restoranında restoranında ermənilər qazaxlara qarşı təhqiramiz münasibət fonunda başlayan davada 23 yaşlı gənci öldürüblər. Daha üç nəfər müxtəlif travmalarla xəstəxanaya müraciət edib.

Ömər