MDB

Poroşenkodan Putin-Tramp görüşü haqqında SOS: Bu, bizim üçün...

29 İyun 2019 06:55

Kiyevi ilk dəfə Rusiya prezidenti Vladimir Putin və ABŞ lideri Donald Trampın görüşü ilə bağlı xəbərdar etmədilər.

Publika.az xəbər verir ki, bu haqda Ukraynanın keçmiş prezidenti Petro Poroşenko feysbuk səhifəsində yazıb.

“Yaponiyada G20 sammitində ABŞ və Rusiya prezidentlərinin bugünkü görüşü (iyunun 28-də keçirilib –red.) haqqında Kiyevə heç kəs zəng vurmadı. Və zəngin olmaması yalnız yeni hakimiyyət üçün deyil, bizim hamınız üçün çox həyəcan siqnalıdır”, - keçmiş dövlət başçısı bildirib.

Onun sözlərinə görə, son beş il ərzində Moskvayla istənilən əlaqələrdən əvvəl Avropa və Amerikadan olan partnyorlar mövqelərini Kiyevlə uyğunlaşdırırdı.

Qeyd edək ki, Putin və Tramp arasında görüş Yaponiyanın Osaka şəhərində G20 sammiti çərçivəsində keçirilib. Görüş təxminən 1,5 saat davam edib. Görüşdə Suriya, Əfqanıstan, Ukrayna, Venesuela və İran problemləri müzakirə edilib.