MDB

DƏHŞƏTLİ HADİSƏ: Ailənin 5 azyaşlı qız uşağı DİRİ-DİRİ YANDI

20 Fevral 2021 09:20

Qazaxıstanın Cambul vilayətində evdə baş verən yanğın nəticəsində bir ailənin 5 övladı həyatını itirib.

Publika.az xəbər verir ki, yerli fövqəladə hallar idarəsinin açıqlamasına görə, saat 15:00 radələrində beşmərtəbəli binanın üçüncü mərtəbəsindəki mənzildə başlayan yanğında ölən uşaqlardan böyüyün 5, ən kiçiyinin isə 1 yaşı var idi.

İlkin məlumata görə, yanğın vaxtı uşaqların atası işdə olub, anası isə bazara gedibmiş. Azyaşlılar xəstəxanaya yerləşdirilsələr də, həyatlarını xilas etmək mümkün olmayıb.

Yanğınla əlaqədar şəhər qubernatorluğu tərəfindən xüsusi komissiya yaradılıb və hadisənin səbəbi araşdırılır.

Xatırladaq ki, buna bənzər hadisə 2019-cu ildə Nur-Sultanda baş verib. Həmin vaxt yanğın nəticəsində bir ailənin 5 qız övladı həyatını itirmişdi.