Qənirə Paşayevaya fəxri doktoru adı verildi - FOTO

Özbəkistandakı Heydər Əliyev adına Azərbaycan Mədəniyyət Mərkəzi tərəfindən bu ölkədə Azərbaycan mədəniyyəti və ədəbiyyatı günləri keçirilib.

AZƏRTAC xəbər verir ki, tədbir çərçivəsində Azərbaycan Milli Məclisinin Mədəniyyət komitəsinin rəhbəri Qənirə Paşayevaya “Turan” Akademiyasının tarix elmləri doktoru adı verilib. Bu barədə sənədi Q.Paşayevaya Akademiyanın prezidenti Xaydarbek Bababekov təqdim edib.

Özbəkistanın “Turan” Kitabxana-İnformasiya Mərkəzində keçirilən tədbirdə çıxış edən Xaydarbek Bababekov Q.Paşayevanın iki ölkə ilə mədəni, ədəbi əlaqələrini diqqətdə saxladığını və bu işə daim töhfələr verdiyini qeyd edib. O, Q.Paşayevanın Özbəkistana dair nəşrlərini, xüsusilə “Addım–addım Özbəkistan” kitabını yüksək qiymətləndirən akademik onun türk dünyası arasında birlik, həmrəyliyə nail olunması istiqamətində dəyərli alqışa layıq olduğunu qeyd edib.

Q.Paşayevanın iştirakı ilə Özbəkistanda keçirilən tədbirlərin, onun özbək dilinə tərcümə edilən kitablarının özbəkistanlı oxucular üçün maraqlı və əhəmiyyətli olunduğunu vurğulayan Xaydarbek Bababekov, “Turan” Akademiyasının daim bu cür şəxsiyyətlərin fəaliyyətini təqdir etdiyini və onlarla əməkdaşlığın vacibliyini diqqətə çatdırıb.