Həbibin əmisi oğlu polisi vurmaqda şübhəli bilinir

Həbib Nurməhəmmədovun əmisi oğlu, MMA döyüşçüsü Usman Nurməhəmmədov Dağıstanda polisi vurmaqda şübhəli bilinir.

Publika.az xəbər verir ki, bu barədə "RIA Novosti"yə hüquq-mühafizə orqanlarındakı mənbə məlumat verib.

"Rusiya Daxili İşlər Nazirliyinin Kaspiysk üzrə İdarəsi "Toyota Camry" ilə Aeroport keçid məntəqəsində polis əməkdaşını vuran 29.10.1998-ci il təvəllüdlü Kamal Xabiboviç İdrisovu və 17.04.1998-ci il təvəllüdlü Usman Maqomednabieviç Nurməhəmmədovu axtarır. Adıçəkilən şəxslər Şeremetyevo hava limanına uçublar, - polisin oriyentasiyasında deyilir.

Rusiya Federasiyası Daxili İşlər Nazirliyinin Mərkəzi Federal Dairəsi üzrə Nəqliyyat Departamenti öz növbəsində adlarını çəkmədən bildirir ki, Şeremetyevoda polisi vurduqlarına görə Mahaçqaladan gəlmiş iki nəfər faktiki olaraq saxlanılıb.

Press-relizdə göstərilən hər ikisinin doğum ili oriyentasiya məlumatlarına - 1998-ci ilə təsadüf edir.

Qeyd olunur ki, onlar Aeroport keçid məntəqəsində avtomobillə polis əməkdaşını vurmaqda şübhəli bilinirlər.

Hüseyn