Moldova mediası Müslüm Maqomayevin yubileyindən yazdı
Bizi izləyin

MDB

Moldova mediası Müslüm Maqomayevin yubileyindən yazdı

Moldova mətbuatında dünya şöhrətli müğənni, Azərbaycan xalqının böyük oğlu Müslüm Maqomayevin 80 illik yubileyi ilə bağlı Azərbaycanda keçirilən tədbirlər geniş işıqlandırılıb

Publika.az "azərtac"-a istinadla xəbər verir ki, “NOİ”, “Publika”, “Politik”, “Promeleserti” xəbər portalları, “Canal3”, “Canal2”, “JurnalTV” telekanallarında dünya şöhrətli opera və estrada müğənnisi, bəstəkar, SSRİ-nin və Azərbaycanın Xalq artisti Müslüm Maqomayevin 80 illik yubileyi ilə əlaqədar rumın və rus dillərində geniş materiallar yayımlanıb.

Məqalələrdə və reportajlarda dahi sənətkar Müslüm Maqomayevin Bakının Dənizkənarı Milli Parkında abidəsinin açılışı, dövlətimizin başçısı Prezident İlham Əliyevin açılış mərasimində çıxışı, həmçinin həmin gün Heydər Əliyev Fondunun təşkilatçılığı ilə keçirilən və Müslüm Maqomayevin xatirəsinə həsr olan konsert barədə danışılıb.

Bundan əlavə, Moldova mətbuatında xatirə gecəsində ulu öndər Heydər Əliyevin Müslüm Maqomayev haqqındakı fikirlərini əks etdirən fraqmentlər, görkəmli müğənni və bəstəkarın repertuarından səsləndirilən mahnılar və onun haqqında videoçarxlar barədə söz açılıb, o cümlədən dövlətimizin başçısı Prezident İlham Əliyevin çıxışına geniş yer verilib.

Oxumağa davam et
Reklam
Reklam

Gündəm