MDB

Arestoviç niyə rusca açıqlama verdi? - Kiyevə xəbərdarlıq, yoxsa...

17 Yanvar 2023 17:35

Ukrayna prezidentinin aparat rəhbərinin müşaviri Aleksey Arestoviç istefa verdiyini açıqladıqdan sonra kifayət qədər qeyri-adi açıqlama verib. Üstəlik, o, təmiz rus dilində danışıb.

Publika.az xatırladır ki, bu gün Arestoviç sosial şəbəkədəki səhifəsində vəzifəsini tərk etmək qərarına gəldiyini və hətta istefa ərizəsi yazdığını açıqlayıb. O, müvafiq sənədin şəklini də əlavə edib.

Ukraynalı vəkil Boqdan Qrebenyuk Arestoviçin qərarına sadəcə iki sözlə reaksiya verib və “yaxşı, boş yerə” yazıb. Müşavir buna kifayət qədər gözlənilməz cavab verib, onun əvvəlki istefasından sonra Rusiyanın “xüsusi əməliyyat”a başladığını xatırladıb.

“Gəlin görək, bu dəfə nə baş verəcək”, - Arestoviç bildirib.

Maraqlıdır ki, Ukrayna Prezidentinin Aparatının müşaviri bütün şərhləri yalnız rus dilində verib.

Qeyd edək ki, Kiyevdə Ukrayna dilindən istifadə etməyən şəxslərin cərimələnməsi ilə bağlı qanun tətbiq edilib.

Akqabay

Teqlər Aleksey Arestoviç