Nazarbayev ürəyindən əməliyyat olundu

Qazaxıstanın ilk prezidenti Nursultan Nazarbayevin ürəyindən əməliyyat olunub. Əməliyyat uğurla keçib. Bu barədə Nazarbayevin mətbuat katibi Aidos Ukibay məlumat verib.

Publika.az xəbər verir ki, Aidos Ukubay "tvitrer" hesabında yazıb:

"Nursultan Nazarbayev ürəyindən əməliyyat olunub. Əməliyyat uğurla keçib. Birinci prezidentin həyatına heç bir təhlükə yoxdur. Hazırda o, müşahidə altındadır. Əməliyyat Milli Elmi Ürək Cərrahiyyə Mərkəzində məşhur kardiocərrah Yurinin rəhbərliyi altında keçirilib”.

Xatırladaq ki, Nazarbayev daha öncə ürəyində yaranan problem səbəbindən xəstəxanaya yerləşdirilmişdi.

Aydan

09:55

Qazaxıstanın eks-prezidenti Nursultan Nazarbayev xəstəxanaya yerləşdirilib.

Publika.az xəbər verir ki, "KazTAG" Qazaxıstan media meneceri Aleksandr Aksyutitsə istinadla xəbər verir.

Onun ürəyindən əməliyyat oluna biləcəyi ehtimalı var.

“Mənbələrim Nursultan Nazarbayevin Astanadakı xəstəxanalardan birinə yerləşdirildiyini bildirdi . O, ürəyin hərtərəfli müayinəsindən keçir. Tibb işçiləri deyirlər ki, cərrahi müdaxilə ola bilər”, - deyə Aksyutits bildirib.

Yanvarın 12-də Qazaxıstan Senatının (parlamentin yuxarı palatası) sədri Maulen Aşimbayev Nazarbayevin fəxri senator statusundan məhrum edildiyini açıqlayıb. Sonra Qazaxıstan parlamentinin deputatları “Qazaxıstan Respublikasının ilk prezidenti – Elbası haqqında” qanunu qüvvədən salıblar.

Hüseyn İbadlı