Bayden nədən ŞÜBHƏLƏNİB?: "Cenevrədə Putinə dedim ki, Çin..."

ABŞ prezidenti Co Bayden Merilend ştatında ölkədəki iqtisadi problemlərlə bağlı çıxışı zamanı deyib ki, Çin Rusiyaya o qədər də hörmət etmir.

Publika.az xəbər verir ki, bu barədə "RİA Novosti" məlumat yayıb.

İddialara görə, o , 2021-ci ildə Cenevrədə keçirilən görüşdə Rusiya lideri Vladimir Putinə bu barədə şübhələrini bildirib.

Amerika prezidentinin sözlərinə görə, həmin görüşdə o , Putinlə strateji sabitliyi müzakirə edib və Rusiya Federasiyasının rəhbəri etiraf edib ki, bu barədə danışmaqdan çəkinir, çünki o, ABŞ-ın Moskvanın Pekini danışıqlara cəlb etməsini gözlədiyini düşünürdü.

"Dedim, Çini cəlb edəcəyinizi gözləmirəm... Çox probleminiz var. Çin isə sizə o qədər də hörmət etmir" - deyə Bayden cavabını xatırladıb.

Bundan əvvəl ABŞ-ın keçmiş prezidenti Donald Tramp Co Baydeni Vladimir Putinə Amerikanı tənqid etmək üçün əsaslar verməkdə ittiham edib. Səbəb Amerika liderinin sahibkara qarşı qeyri-qanuni hərəkətləri, yəni Trampı əsassız həbsxanaya salmaq cəhdi olub.

Hüseyn İbadlı