MDB

Krımda avtomobil partladıldı: Kapitan öldü - FOTO

13 Noyabr 2024 14:57

Sevastopolun Taras Şevçenko küçəsində avtomobil partlayıb.

Publika.az xəbər verir ki, ilkin məlumatlara görə, partlayış nəticəsində Qara Dəniz Donanmasının 1-ci dərəcəli kapitanı ölüb.

Partlayış nəticəsində onun ayaqları qopub. Kapitan yerindəcə dünyasını dəyişib. Şahidlərin sözlərinə görə, maşının altına kustar üsulla hazırlanmış partlayıcı qurğu quraşdırılıb.

Şəhərin meri Mixail Razvojayev partlayış qurbanının hərbçi olması barədə məlumatı təsdiqləyib. Onun sözlərinə görə, fövqəladə hadisə təxminən saat 9:53-də (Bakı vaxtı ilə 10:53) baş verib, bundan sonra Fövqəladə Hallar Nazirliyinin əməkdaşları və təcili tibbi yardım maşını hadisə yerinə gedib. Oraya gələn təhlükəsizlik əməkdaşları kişini xilas edə bilməyiblər.

“Partlayışın səbəbini istintaq orqanları müəyyənləşdirməlidir, lakin təxribat ehtimalını istisna etmək mümkün deyil”, - mer deyib.