MDB

Qəzada xəsarət alan rusiyalıların son durumu açıqlandı

31 Dekabr 2024 14:55

Aktauda qəzaya uğrayan təyyarədə yaralanan 6 rusiyalı xəstəxanada qalır.

Publika.az xəbər verir ki, bu barədə Rusiya Səhiyyə nazirinin köməkçisi Aleksey Kuznetsov məlumat verib.

Onun sözlərinə görə, üç rusiyalı evə buraxılıb və onların vəziyyəti yaxşılaşıb.

“Zərərçəkənlərdən 6-sı xəstəxanadadır, onlardan üçünün vəziyyəti ağırdır. Bir uşaq da daxil olmaqla daha üç nəfərin vəziyyəti orta ağırdır”, - nazir müavini bildirib.

Kuznetsov əlavə edib ki, xəstələr lazımi müalicə alırlar. Azərbaycan Hava Yollarına məxsus Bakıdan Qroznıya uçan “Embraer 190” təyyarəsi dekabrın 25-də səhər saatlarında Qazaxıstanın qərbində, Aktau şəhəri yaxınlığında qəzaya uğrayıb. 38 nəfər ölüb.

Rusiya prezidenti Vladimir Putin təyayrənin Rusiya ərazisində vurulmasına görə Azərbaycan prezidenti İlham Əliyevdən üzr istəyib.

Tural