Kreml yeni səfiri Vaşinqtona göndərir

Rusiyanın ABŞ-a təyin edilən yeni səfiri Aleksandr Darçiyev martın 26- da Vaşinqtona səfər edəcək.

Publika.az xəbər verir ki, bu barədə TASS məlumatlı mənbəyə istinadla məlumat yayıb.

"Səfirin martın 26-da Vaşinqtona yola düşəcəyi gözlənilir", - məlumatda deyilir.

Darçiyev səfəri ilə bağlı əlavə məlumat verilməyib.

Rusiya prezidenti Vladimir Putin bu il martın əvvəlində Aleksandr Darçiyevi Rusiyanın ABŞ-dakı fövqəladə və səlahiyyətli səfiri vəzifəsinə təyin edib. Onun sələfi 2017-2024-cü illərdə bu vəzifəni icra edən Anatoli Antonov idi.

Dövlət başçısının mətbuat katibi Dmitri Peskov bəyan edib ki, Rusiyanın Vaşinqtondakı yeni səfiri Aleksandr Darçiyevin əsas vəzifələri ABŞ-la münasibətləri inkişaf etdirmək və Rusiyanın maraqlarını müdafiə etməkdir.

Dariçev yeni vəzifəsinə qədər Xarici İşlər Nazirliyinin Şimali Atlantika Departamentinə rəhbərlik edib.

O həmçinin 2014-2021-ci illərdə Rusiyanın Kanadadakı səfiri vəzifəsində çalışıb.

Diplomatın 64 yaşı var və Macarıstanda anadan olub .