Generalın məhkəməsi dayandırıldı: Görün hara göndərirlər

Rusiyanın 58-ci Ordusunun keçmiş komandanı, general-mayor İvan Popovun məhkəmə işi üzrə icraatın dayandırılması xahiş edilib. Bu xahiş Tambov Qarnizonu Hərbi Məhkəməsindən Rusiya Müdafiə Nazirliyinin onunla xüsusi hərbi əməliyyatda (SMO) iştirak etmək üçün müqavilə imzalamaq qərarı ilə əlaqədar edilib.

Publika.az xəbər verir ki, bu barədə TASS onun vəkili Sergey Buinovskiyə istinadən məlumat yayıb.

Vəkil bildirib ki, Popovun müdafiəçiləri Rusiya Müdafiə Nazirliyi ilə birlikdə müvəkkilinin müharibə zonasına göndərilməsi barədə müsbət qərarla əlaqədar iş üzrə icraatın dayandırılması və həbs-qətimkan tədbirinin dəyişdirilməsi barədə vəsatət qaldırıb.

Buinovski əlavə edib ki, general dəstək və etimada görə Rusiya prezidenti Vladimir Putinə təşəkkür edib.

Qeyd edək ki, general Popov 2024-cü ilin mayında həbs olunub, lakin iyul ayında onun barəsində seçilmiş həbs-qətimkan tədbiri ev dustaqlığına dəyişdirilib. Bu işdə mərkəzi fiqur general-leytenant Oleq Tsokovdur. Müstəntiqlər onu Popovu qumara həvəsindən istifadə edərək cinayət sxeminə cəlb etməkdə ittiham edirlər.

Adəm Abbaslı