Rusiyanın İl-96-300 təyyarəsi Alyaskaya endi

Moskvanın Vnukovo hava limanından havaya qalxan Rusiyanın "İl-96-300" təyyarəsi Ankoric hava limanına ( Alyaska , ABŞ ) çatıb.

Publika.az xəbər verir ki, uçuş məlumatları "Flightradar24" portalının məlumatları ilə təsdiqlənir.

Onlayn izləyicilərin məlumatına görə, təyyarə Bakı vaxtı ilə saat 03:09-da eniş edib. Onun enişini real vaxt rejimində xidmətin 23 mindən çox istifadəçisi izləyib.

Avqustun 14-ü axşam saatlarında Moskvadan havaya qalxmış digər İl-96 təyyarəsi də Ankoricə atıb. Həmin təyyarədə Rusiya–ABŞ sammitinə hazırlıqla məşğul olan qabaqcıl qruplardan biri ola bilər.

Avqustun 15-də Rusiya və ABŞ liderləri Vladimir Putin və Donald Tramp Alyaskada danışıqlar aparacaqlar. Əsas mövzu — Ukraynada sülhün təmin olunmasıdır. Müzakirə edilən təkliflərə ərazilərin mübadiləsi və Kiyevin NATO-ya üzvlükdən imtinası daxil ola bilər.

Putinlə birlikdə Ağ Ev rəhbəri ilə danışıqlarda Rusiya nümayəndə heyəti də iştirak edəcək. Heyətə, o cümlədən, Rusiya Prezidentinin köməkçisi Yuri Uşakov, xarici işlər naziri Sergey Lavrov və müdafiə naziri Andrey Belousov daxildir.

Hüseyn İbadlı