MDB

Polisi dişlədi, 2 ilə yaxın həbs cəzası aldı

7 Dekabr 2025 14:31

Rusiyada maraqlı cinayət hadisəsi baş verib.

Publika.az xəbər verir ki, bu barədə Çelyabinsk Vilayət Prokurorluğu məlumat yayıb. Belə ki, Maqnitoqorskda 34 yaşlı kişi ticarət mərkəzində oğurluq etdiyinə görə həbs olunan zaman polis məmurunu dişləyib. Kişi məhz bu əməlinə görə məhkum edilib.

"Hadisə 2025-ci ilin avqust ayında şəhərin ticarət mərkəzlərindən birində baş verib. Maqnitoqorsk sakini sərxoş vəziyyətdə mağazadan mal oğurlamağa cəhd edib və iğtişaş yaradıb. Polis əməkdaşları insidentlə bağlı çağırışa cavab olaraq hadisə yerinə gəliblər. Saxlanılma zamanı sərxoş kişi müqavimət göstərib və polislərdən birini budundan dişləyib. Ona qarşı dövlət məmuruna hücum maddəsi ilə cinayət işi açılıb. Məhkəmə təqsirləndirilən şəxsə ciddi rejimli cəzaçəkmə müəssisəsində "yatmaq"la bir il səkkiz ay müddətinə azadlıqdan məhrum etmə cəzası verib",- yerli-media yazıb.

Tural