Məşhur aparıcı: "Kişilər toyuq kimidir, 10 metr uzaqlaşdılarsa..."

Xəbər verdiyimiz kimi, Rusiya Federal Təhlükəsizlik və Korrupsiyaya Qarşı Mübarizə Layihəsinin rəhbəri Vitali Borodin rusiyalılar üçün evlilikdə xəyanətə görə cərimələrin tətbiqini təklif edib. O bildirib ki, xəyanət edən şəxslər 15-20 min rubla ( təxminən 800-1000 AZN ) qədər cərimə olunmalıdır. Bundan əlavə, uşağı tərk edən valideyn üçün isə hər bir uşaq üzrə 50 min rubla ( təxminən 2500 AZN) qədər cərimə təklif olunur.

Publika.az xəbər verir ki, rusiyalı teleaparıcısı Rоzа Syabitova bu təklifə münasibət bildirib. Aparıcının sözlərinə görə, bu təşəbbüs ailələri xilas etməyə kömək etməyəcək.

O, bir ailənin daxildən dağıldığını və xəyanətin yalnız yaranmış problemləri ortaya qoyduğuna inanır. Syabitova ailəni dövlətlə müqayisə edərək, orada cəmiyyətin eyni qanunlarının işlədiyini qeyd edib.

“Ağıllılar deyirlər ki, dövlət daxildən dağılır, xarici düşmənlər onları ancaq bitirir. Xəyanət dövləti bitirən amildir”, - o, “Life.ru” ilə söhbətində deyib.

Aparıcı cəzaların heç vaxt müsbət nəticə vermədiyini, problemləri cütlüklərin özlərinin müzakirə etməli olduğunu vurğulayıb.

O hesab edir ki, valideynlər ailədə baş verənlərə qarışmamalı, onlar məsləhət üçün gələndə kömək göstərilməlidir.

Kişi xəyanətinə münasibət bildirən Syabitova, qadınların getdikcə daha çox aldadan tərəf olduğunu qeyd edib.

“Kişilər toyuq kimidir, 10 metr uzaqlaşdılarsa, heç kimin deyil”, - teleaparıcı yekunlaşdırıb.

Publika.az