Belarusda KTMT təlimləri başlayır

Bazar günü Belarusda Kollektiv Təhlükəsizlik Müqaviləsi Təşkilatı ( KTMT ) çərçivəsində bir sıra təlimlər rəsmən başlayacaq.

Publika.az xəbər verir ki, bu barədə "RİA Novosti" nəlumat yayıb.

Təlimlər Vitebsk vilayətində keçiriləcək və manevrlər 6 sentyabra qədər davam edəcək. “Losvido” və “Lepelsk” poliqonları bu məqsədlə istifadə olunacaq.

KTMT-nin Birləşmiş Qərargah rəisi Andrey Serdyukov bildirib ki, Kollektiv Operativ Reaksiya Qüvvələri (KORQ) ilə birgə keçiriləcək “Əməkdaşlıq–2025” təlimi təşkilat çərçivəsində əsas əməliyyat və döyüş hazırlığı tədbiri olacaq.

Avqustun əvvəlində Belarus Prezidenti Aleksandr Lukaşenko bəyan etmişdi ki, “Qərb–2025” təlimlərinin respublikanın qərb sərhədindən ölkənin dərinliklərinə keçirilməsi qərara alınıb. Bu addım Qərbin Baltikyanı ölkələr və Polşanın işğalına hazırlıqla bağlı ittihamlarının qarşısını almaq məqsədi daşıyır. Onun sözlərinə görə, gözlənilməz hallar baş verərsə, təlimlərdə iştirak edən Rusiya və Belarus qoşunları tez bir zamanda respublikanın qərb sərhədinə qayıda biləcəklər.

Hüseyn İbadlı