MDB

ABŞ Rusiya sərhədinə PUA göndərdi - Nə baş verir?

11 Dekabr 2025 13:03

ABŞ Hərbi Hava Qüvvələrinə məxsus "Northrop Grumman RQ-4B Global Hawk" kəşfiyyat pilotsuz uçuş aparatı (PUA) Rusiya sərhədi yaxınlığında görünüb.

Publika.az xəbər verir ki, bu barədə "Flightradar24" məlumat yayıb.

Bildirilib ki, "Forte10" çağırış işarəsi olan dron Moskva vaxtı ilə səhər saat 7:33 radələrində Estoniyanın hava məkanında aşkar edilib. Onun əvvəlki marşrutu Bolqarıstan, Macarıstan, Latviya, Litva, Polşa, Slovakiya və Rumıniya olub.

Məlumata görə, dron Siciliyadakı aerodromdan havaya qalxıb.

Qeyd edək ki, avqustun 29-da ABŞ-ın "RQ-4B Global Hawk" kəşfiyyat pilotsuz təyyarəsi Litva üzərində uçaraq Rusiya-Belarus sərhədində müşahidə aparıb. Həmin pilotsuz təyyarə də NATO-nun Siciliyadakı bazasından qalxıb. Həmçinin bu ilin may ayında eyni obyekt üç gün ərzində iki dəfə Qara dəniz səmasında aşkar edilib.

Adəm