MDB
Putindən Serbiyaya NATO xəbərdarlığı: Vuçiç illər sonra Kremldəki sirri açdı
Serbiyanın keçmiş prezidenti Aleksandar Vuçiç Rusiya prezidenti Vladimir Putinin ölkəsinin NATO-ya üzv olmaq ehtimalına necə reaksiya verdiyini açıqlayıb.
Publika.az xəbər verir ki, Vuçiç bu barədə jurnalist Kseniya Sobçaka müsahibəsində danışıb.
O bildirib ki, 2016-cı ildə Kremldə Putinlə görüşü zamanı Rusiya liderinin narazı olduğunu hiss edib. Vuçiçin sözlərinə görə, Putin həmin vaxt NATO-ya üzvlük məsələsində Serbiyaya xəbərdarlıq edib.
“Onun narazı olduğu vaxtlarda səsi bir qədər alçalır. Bir dəfə, 2016-cı ildə məni Kremldə qəbul etdi. Heç nə başa düşmürdüm, amma onun sakit danışdığını görürdüm və mənə elə gəlirdi ki, qəzəblidir. Bununla belə, mənə qarşı heç bir sərt söz demirdi”, - deyə Vuçiç qeyd edib.
Keçmiş prezidentin sözlərinə görə, Putin daha sonra ona belə deyib: “Əgər NATO-ya üzv olmaq istəyirsinizsə, buyurun. Amma düşünmürəm ki, bu, Serbiya xalqı üçün yaxşı olacaq. Əlbəttə, necə istəyirsiniz, elə də edin”.
Vuçiç detib ki, Rusiya liderini təxminən 20 dəqiqə dinlədikdən sonra ondan Serbiyanın NATO-ya qoşulmaq niyyətində olması barədə məlumatı haradan aldığını soruşub. O, Putinə belə bir planın olmadığını və bu məsələnin ümumiyyətlə nəzərdən keçirilmədiyini bildirib.
“Bundan sonra hər şey dəyişdi, atmosfer yumşaldı və tamamilə fərqli oldu. Dedim ki, bu, heç ağlıma da gəlməyib. Görüşə hazırlıq sənədlərimdə də bu mövzu yer almırdı”, - deyə Vuçiç xatırladıb.
Serbiyanın NATO-ya üzv olmaq niyyətində olmadığını dəfələrlə bəyan edən Vuçiç ölkəsinin neytral mövqeyini qoruduğunu vurğulayıb. Onun sözlərinə görə, Serbiya NATO-ya “dərhal” qəbul edilə bilərdi, lakin ölkəyə yeni münaqişələr lazım deyil.
Müəllif: Adəm
-
Dünya20 Noyabr 22:18Tramp və Si Cinpindən süni intellektlə bağlı ortaq qərar
-
Səhiyyə20 Noyabr 20:48Dərmanlar da icbari tibbi sığortaya daxil edilir - Kimlər faydalanacaq?
-
Kriminal20 Noyabr 20:00Qətlə yetirilən Gülarənin atası danışdı: Ailədə nələr yaşanıb? - Video
-
Kriminal20 Noyabr 19:10DTX-dən terror qruplaşmasının üzvlərinə qarşı əməliyyat: İki nəfər saxlanıldı - Foto
-
Nida Xəbər 20 Noyabr 15:28Mehriban Əliyeva Vyetnamın vitse-prezidenti ilə görüşdü - FOTOLAR
-
Sosial20 Noyabr 14:54Sabiq deputatın əmlakları milyonlarla manata satışa çıxarılır
-
İdman20 Noyabr 14:06Cazibədar basketbolçu soyundu: Ceyms Bondun sevgilisi olmaq istəyir - FOTO
-
Rəsmi xronika20 Noyabr 13:52Əliyev Vyetnamın Milli Assambleyasının sədri ilə görüşdü - YENİLƏNDİ



































.png)

