"Arşın mal alan" filmi Hollivudda nümayiş olunacaq – FOTO
Bizi izləyin

Mədəniyyət

"Arşın mal alan" filmi Hollivudda nümayiş olunacaq – FOTO

Azərbaycan kino sənətinin əvəzsiz incilərindən olan, 1945-ci ildə çəkilmiş "Arşın mal alan" filmi Azərbaycanın Los Ancelesdəki Baş Konsulluğu tərəfindən sentyabrın 19-da Hollivudda nümayiş olunacaq.

Baş Konsulluqdan Publika.az-a daxil olan məlumata görə, bu, "Arşın mal alan" filminin Hollivudda ilk premyerası olacaq.

Film, Hollivudun ən qədim kinoteatrlarından olan, tarixə ilk avtomatlaşdırılmış kinoteatr kimi düşmüş “Ricardo Montalban” kinoteatrında təqdim ediləcək.

Qeyd edək ki, nümayişdə sözügedən filmin 2013-cü ildə Heydər Əliyev Fondunun təşəbbüsü və dəstəyi ilə bərpa edilmiş və rənglənmiş versiyası göstəriləcək.

Nümayiş Azərbaycanın ölməz bəstəkarı Üzeyir Hacıbəylinin anadan olmasının 130, “Arşın Mal Alan” filminin isə 70 illiyinə həsr olunur.

Vasif Həsənli

Oxumağa davam et
Reklam
Reklam

Gündəm