Bir balon süd, 5 dollara bilet – “Oskar”ın sirri – FOTOLAR

“Oskar” mükafatının təqdimat mərasimləri artıq neçə ildir təkcə Hollivudun deyil, bütün dünyanın ən cəlbedici və ən maraqlı hadisələrindən birinə çevrilib.

Publika.az xəbər verir ki, indi milyonlarla insanın izlədiyi bu tədbirin, əslində, çox maraqlı tarixi var.

Mərasim 1929-cu ildə ilk dəfə “Hollivud Roosevelt Otel”də təşkil edilmiş özəl tədbir idi. Biletin qiyməti isə cəmi 5 dollar dəyərində olmuşdu.

Əslində, hər kəsin tanıdığı "Oskar" heykəlciyinin əsl rəsmi adı başqa məna daşıyır - Xidmətlərə görə Akademiya Mükafatı.

Mükafatın “Oskar” adını almasının da maraqlı tarixçəsi var. Mükafat bu adı Akademiyanın kitabxanaçısı Marqaret Herrikin bu kiçik qızıl adam heykəlciyinin onun Oskar adlı dayısına bənzədiyi bildirildikdən sonra alıb.

İlk dəfə “Oskar” mükafatı alan qaliblər, adətən, heykəlciyin ağır olduğunu qeyd edirdilər.

Müqayisə üçün bildirək ki, 4 kiloqram ağırlığında olan “Oskar” heykəlciyini əldə saxlamaq bütöv bir süd balonunu tutmaqla eynidir.

Qeyd edək ki, ilk dəfə 1929-cu ildə Los-Ancelesdə təqdim olunan “Oskar” mükafatına 1-ci Dünya müharibəsində döyüşçü pilotlardan bəhs edən “Qanadlar” filmi layiq görülüb.

Bu film Hollivudun təntənəli tədbirində mükafat alan ilk səssiz film idi.

Anar Tağıyev