HƏMAS israilli girovlarla bağlı bütün ÜMİDLƏRİ QIRDI

"İsrail ordusu Qəzza zolağına təcavüzünü dayandırana qədər İsraillə danışıqlar aparmaq və girovları azad etmək niyyətində deyilik".

Publika.az "Əl-Cəzirə" telekanalına sitinadla xəbər verir ki, bunu Fələstinin radikal HƏMAS hərəkatının üzvü Usamə Həmdan bildirib ki,

"Biz təsdiq edirik ki, xalqımıza və Qəzza zolağına qarşı təcavüz dayanana qədər heç bir danışıqlar və ya əsir mübadiləsi aparılmayacaq.", - Həmdan qeyd edib.

Qətərin baş naziri Şeyx Məhəmməd bin Əbdülrəhman Əl-Tani bir müddət əvvəl Qəzzada vasitəçilik danışıqlarının İsrail və HƏMAS arasında yeni döyüşlər fonunda hələ də davam etdiyini bildirib. O əlavə edib ki, 1967-ci il sərhədlərinə əsaslanan iki dövlətli həll əsasında fələstinlilər üçün ədalətli və davamlı sülhə səbəb olacaq diplomatik proses başlanmalıdır.

Oktyabrın əvvəlində Fələstin HƏMAS qüvvələri Əl-Əqsa Daşqını" əməliyyatının başladığını elan edərək, İsrailə böyük raket hücumu həyata keçirib. Hücum çərçivəsində minlərlə yaraqlı yəhudi dövlətinin ərazisinə daxil olub, hərbi texnikanı ələ keçirib və yüzdən çox insanı əsir götürüb.

Buna cavab olaraq İsrail HƏMAS-ı məhv edəcəyini vəd edərək Qəzza zolağında "Dəmir Qılınclar" əməliyyatına başlayıb.

Hüseyn İbadlı