PKK/YPG-nin nəzarətində olan Mənbic də ƏLƏ KEÇİRİLDİ
Bizi izləyin
Aptekonline

Yaxın Şərq

PKK/YPG-nin nəzarətində olan Mənbic də ƏLƏ KEÇİRİLDİ

PKK/YPG-nin nəzarətində olan Mənbic də ƏLƏ KEÇİRİLDİ

Suriyada hakimiyyəti ələ keçirən üsyançılar respublikanın şimalında PKK/YPG-nin nəzarətində olan Mənbic şəhərinə daxil olublar.

Publika.az xəbər verir ki, bu barədə "Sky News" məlumat yayıb.

Telekanalın istinad etdiyi mənbənin verdiyi məlumata görə, silahlılar terrorçuları şəhərin mərkəzindən qovublar. Əməliyyat aviasiyanın dəstəyi ilə baş tutub.

Xatırladaq ki, noyabrın 28-də silahlı Suriya müxalifət qrupları Hələb vilayətinin qərb bölgələrində hökumət qoşunlarına qarşı irimiqyaslı hücuma keçiblər. Onlar Hələb şəhərini ələ keçirərək, növbəti həftə yarım ərzində Hüms və Həmaya daxil olublar.

Dekabrın 8-nə keçən gecə müxalifət qrupları Dəməşqi ələ keçiriblər.

Suriya ordusu komandanlığı prezident Bəşər Əsədin hakimiyyətinin bitdiyini açıqlayıb. Daha sonra Rusiya Xarici İşlər Nazirliyi bəyan edib ki, Əsəd dövlət başçısı postunu tərk etmək qərarına gəlib və hakimiyyətin sülh yolu ilə ötürülməsi üçün göstərişlər verərək Suriyanı tərk edib.

Hüseyn İbadlı

Oxumağa davam et
Reklam
Reklam

Gündəm

Aptekonline